BACOLOD CITY - Patay ang magkahagugma matapos mahulog sa dagat ang ila ginasakyan nga pajero kagab-i sa reclamation area sa Bacolod City.
Ginkilala ang lalake kay Ramon Becete 54-anyos sang Ayala North, Zone 15, Talisay City, Negros Occidental samtang ang babaye amo si Gelah Sunico 22-anyos, sang Bago City, Negros Occidental kag 4th year nursing student sang Riverside College.
Base sa imbestigasyon sang kapulisan, nakita nga nagpark ang duag maroon nga pajero las 10:30 kagab-i sa nasambit nga lugar apang sang ulihi nag-andar kag nagderetso sa dagat nga ginkabangdan sang ila pagkahulog sa tubig.
Ini ang napatakas sang mga rescuers gamit ang crane las 2:30 na sang kaagahon nga wasak ang unahan nga bahin sang salakyan bangod sang impact sang pagkahulog.
Narecover naman sa sulod sang salakyan ang bangkay sang duha nga ginapatihan nalumos sa diin hublas ang babaye samtang naka brief na lang ang lalake.
Gilayon naman nga gin claim sang iya asawa nga si Juanita ang bangkay sang lalake kag wala sang ginbuy-an nga pahayag angot sa insidente.
Samtang, nagapabilin naman ang bangkay sang babaye sa morgue sang Western Visayas Regional Hospital.
No comments:
Post a Comment